தமிழ்நாடு சட்டமன்ற பொதுத் தேர்தல் – 2026
வாக்கு எண்ணிக்கை தொடர்பான முழு விவரங்கள்
த.தெ.அ. த.நா. செ.செ. எண் : 032
நாள்: 02.05.2026
தமிழ்நாடு சட்டமன்ற பொதுத் தேர்தல் – 2026 க்கான வாக்கு எண்ணிக்கை
தமிழ்நாடு சட்டமன்ற பொதுத் தேர்தல் – 2026 க்கான வாக்கு எண்ணிக்கை, மே 4, 2026 அன்று நடைபெறும்.
75,064 வாக்குச்சாவடிகளில் பதிவான வாக்குகள் மற்றும் பெறப்பட்ட தபால் வாக்குகள் ஆகியவற்றின் வாக்கு எண்ணிக்கை, இதற்காக அமைக்கப்பட்ட 62 வாக்கு எண்ணும் மையங்களில் நடத்தப்படும்.
வாக்கு எண்ணும் அறைகள் மற்றும் மேஜைகள்
மின்னணு வாக்குப் பதிவு இயந்திரங்களில் (EVMs) பதிவான வாக்குகளை எண்ணுவதற்காக 234 வாக்கு எண்ணும் அறைகள் அமைக்கப்பட்டுள்ளன.
தபால் வாக்குகள் மற்றும் மின்னணு முறையில் அனுப்பப்பட்ட தபால் வாக்குகள் (ETPBs) எண்ணுவதற்காக கூடுதலாக 240 அறைகள் ஒதுக்கப்பட்டுள்ளன.
பதிவான வாக்குகளை எண்ணுவதற்காக மொத்தம் 3,324 மேஜைகள் பயன்படுத்தப்படும்.
வாக்கு எண்ணும் பணியாளர்கள்
வாக்கு எண்ணும் பணிகள், தேர்தல் நடத்தும் அலுவலர்கள் மற்றும் உதவித் தேர்தல் நடத்தும் அலுவலர்களின் உதவியுடன் மேற்கொள்ளப்படும்.
மொத்தம் 10,545 பணியாளர்கள் நியமிக்கப்பட்டுள்ளனர்.
வாக்கு எண்ணும் செயல்முறையின் வெளிப்படைத்தன்மை மற்றும் நேர்மையை உறுதி செய்ய 4,624 நுண் பார்வையாளர்கள் (Micro Observers) நியமிக்கப்பட்டுள்ளனர்.
எண்ணும் பார்வையாளர்கள்
ஒவ்வொரு சட்டமன்றத் தொகுதிக்கும் ஒருவர் என மொத்தம் 234 வாக்கு எண்ணும் பார்வையாளர்களை இந்திய தேர்தல் ஆணையம் நியமித்துள்ளது.
இவர்கள் தேர்தல் ஆணையத்தின் அறிவுறுத்தல்கள் முறையாக பின்பற்றப்படுகிறதா என்பதை கண்காணிப்பார்கள்.
தபால் வாக்கு எண்ணிக்கை
ஒவ்வொரு 500 தபால் வாக்குகளுக்கும் ஒரு வாக்கு எண்ணும் மேஜை அமைக்கப்பட்டுள்ளது.
இதற்காக 1,135 கூடுதல் உதவித் தேர்தல் நடத்தும் அலுவலர்கள் பணியமர்த்தப்பட்டுள்ளனர்.
மூன்றடுக்கு பாதுகாப்பு ஏற்பாடுகள்
வாக்கு எண்ணும் மையங்களில் விரிவான மூன்றடுக்கு பாதுகாப்பு ஏற்பாடுகள் செய்யப்பட்டுள்ளன.
முதல் அடுக்கு – வெளிப்புற பாதுகாப்பு
ஒவ்வொரு மையத்தையும் சுற்றி 100 மீட்டர் பாதுகாப்பு வளையம்
அங்கீகரிக்கப்பட்ட நபர்களுக்கு மட்டுமே அனுமதி
காவல்துறை மூலம் அடையாளச் சான்று சரிபார்ப்பு மற்றும் உடல் பரிசோதனை
இரண்டாவது அடுக்கு – நடுப்பகுதி பாதுகாப்பு
மாநில ஆயுதப்படையினர் பாதுகாப்பு
அனுமதியற்ற நுழைவு தடுக்கப்படும்
கைபேசி மற்றும் தகவல் தொடர்பு சாதனங்கள் குறிப்பிட்ட இடங்களில் மட்டுமே அனுமதி
மூன்றாவது அடுக்கு – உட்புற பாதுகாப்பு
CAPF மத்திய ஆயுதப்படையினர் பாதுகாப்பு
EVM பாதுகாப்பு அறைகள் மற்றும் எண்ணும் அறைகளில் கடுமையான சோதனை
கைபேசி உள்ளிட்ட தடை செய்யப்பட்ட பொருட்களுக்கு அனுமதி இல்லை
CAPF பாதுகாப்பு
உள்ளூர் காவல்துறை மற்றும் மாநில ஆயுதப்படையினருடன் சேர்த்து:
மத்திய ஆயுதக் காவல் படையின் (CAPF) 65 கம்பெனிகள் பாதுகாப்பு பணியில் ஈடுபடுத்தப்பட்டுள்ளன.
புதிய QR Code அடையாள அட்டை முறை
முதன்முறையாக, ECINET மூலம் QR Code அடிப்படையிலான புகைப்பட அடையாள அட்டை முறை அறிமுகப்படுத்தப்பட்டுள்ளது.
இந்த முறை:
அனுமதியற்ற நுழைவுகளை தடுக்க உதவும்
QR Code ஸ்கேன் செய்து சரிபார்த்த பின்னரே அனுமதி வழங்கப்படும்
QR அடையாள அட்டை கட்டாயம்
பின்வரும் அனைவருக்கும் QR அடையாள அட்டை கட்டாயம்:
தேர்தல் நடத்தும் அலுவலர்கள்
உதவித் தேர்தல் நடத்தும் அலுவலர்கள்
வாக்கு எண்ணும் பணியாளர்கள்
தொழில்நுட்ப பணியாளர்கள்
வேட்பாளர்கள்
தேர்தல் முகவர்கள்
வாக்கு எண்ணும் முகவர்கள்
வாக்கு எண்ணிக்கை தொடங்கும் நேரம்
🕗 காலை 8.00 மணி – தபால் வாக்கு எண்ணிக்கை
🕣 காலை 8.30 மணி – EVM வாக்கு எண்ணிக்கை
முடிவுகள் எங்கு பார்க்கலாம்?
சுற்று வாரியான முடிவுகள்:
பொதுஒலிபெருக்கி மூலம் அறிவிக்கப்படும்
ECINET செயலியில் வெளியிடப்படும்
அதிகாரப்பூர்வ இணையதளம்:
👉 results.eci.gov.in
“தேர்தல் திருவிழா – தமிழ்நாட்டின் பெருவிழா”
அர்ச்சனா பட்நாயக்
தலைமைத் தேர்தல் அதிகாரி, தமிழ்நாடு
வெளியீடு:
இயக்குநர், செய்தி மக்கள் தொடர்புத்துறை, சென்னை – 9
No comments:
Post a Comment